الأحد، ١٥ أبريل ٢٠٠٧

من نحن


إحنا الأخوان نعم إحنا الأخوان... بكل شرف وعز... بكل فخر وإعزاز

وكما قال الحاج سعد لاشين( مسئول الأخوان فى الشرقية) (دعوة الاخوان دعوة علنية مشرفة)

فبكل فخر نقول بأعلى صوتنا وبكل ما أوتينا من قوة


إحنا الأخوان الله أكبر أقسمنا يمينا لن نقهر وكتاب الله بأيدينا سنخوض اليابس والأخضر

إحنا إخوان حسن البنا مشيين فى طريقنا للجنة وعلشان نفوز برضا الرحمن هنعيش مليون سنة نستنى

دعوتنا يا ناس دعوة أبية بدأها شباب الاسماعلية رجال بعزم وقوة أ سود بقلوب كانت خالصة النية

بنقول إن الدعوة فتية ولادة تجيب لنا بالمية فى زيادة كدة إنشاءالله علطول محروس يا شباب الشرقية

منصورة عمار يا دقهلية إخوانك أحسن تربية فهم وإخلاص وفى الدعوة حماس تسلم ايديك يا أبو رية

والحاج لاشين فى الغربية فى الحق متين مية مية ما يخاف من ظالم ولا جبار أتعلم معنى التضحية

وكبرت يا دعوتنا فى ثانيةوبقيت فى روسيا وألمانيا وفى ليبا وتونس وفلسطين والبركة فى مصر أم الدنيا

من يقدر يوقف دعوتنا نروح نمشى ومصحفنا فى إيدنا والنصر بعون المولى قريب رافعين راية الله غايتنا

مرشدنا يا ناس مخطى النور نروح نمشى وراك ونعدى بحور إخوانك والله فى كل مكان هم رهن إشارتك يا أبو مشهور

سيف الاسلام أسمع منا مش وحدك بس ابن البنا كلنا أولاده وأحبابه وولائنا الأكبر لرسولنا

حبيبنا الغايبين عن عينا فى السجن بعيد لكن بنا مختار والشاطر وأبوغزلان وكثير غيرهم ضحوا علشان

ياللى قتلتوا حسن البنا تهديدكم مش هيزلزلنا وبدم شهدينا نتحنا

الله أكبر الله أكبر ولله الحمد

هناك ٢٦ تعليقًا:

محمد يقول...

السلام عليكم

جميل جدا جدا جدا

جزاك الله خيرا

بصراحة إخوان الشرقية .. ربنا يكرمهم ويجزيهم خير

من أفضل الإخوان الذين قابلتهم

سناالإسلام يقول...

جزاكم الله خيرا

غير معرف يقول...

نشيد حماسي جميل .......سنخوض اليابس والاخضر.........وتحيات اخوان القليوبية

ASW يقول...
أزال المؤلف هذا التعليق.
ASW يقول...

ايه ده فيه ايه ......مظاهرة اون لاين ...طيب خدوا دي كمان ...........هي لله هي لله لا للمنصب لا للجاه......علم ع الشمسية علامة تنفعك يوم القيامة....شرع الله عز وجل الاسلام هو الحل.....ومش فاكر



تاسو بيدون يارجالة
http://e7lmma3aia.blogspot.com

همسة قلم يقول...

اخوان القليوبية واخوان الشرقية واخوان المنوفية واخوان القاهرة


ده تنظيم تدويني بقى :)

نشيد فعلا جميل جدا ياسنا انا شخصيا بحبه جدا رغم تحفظاتكتير على بعض كلماته والهيصة المصاحبة ليه في لحنه

:)

Aml Ghonaim يقول...

من أروع الأناشيد التى سمعتها .......
انتى طبعا عارفة الموضوع _ وجه بيغمز _
بس بجد أنا سمعته مرة فى حفلة أو تجمع مش فاكرة وبعدين استمرت رحلة البحث عنه الى أن وجدته ...
راااااااااااااائع
الكلمات معبرة جدا ؛ ورااائعة ..
لا أدرى لكن كلما أسمعه أشعر بالفخر ...
سلمت يمينك ياسناء ...

محمد السيد..مش حاسكت يقول...

أنا إخوان ... الكلمة هي السر وهي السبب ... وإذا عرف السبب بطل العجب ...
أنا إخوان ... من الجامعة إلي التخرج إلي الإعلام إلي الصحافة إلي كل ما له علاقة بالإعلام ...
أنا إخوان ... في المظاهرات وفي النيابة وفي المحاكم وفي مباحث أمن الدولة وفي سجن المزرعة بطرة ...
أنا إخوان ... كانت مدونته تقولها بوضوح ... وللأسف كانت في نظر نظام بلده هي جريمته ... لكن له كانت شرفه وعزه ...
كان الخبر كالتالي ...
"قامت قوات مباحث أمن الدولة في ساعة مبكرة من صباح اليوم الجمعة بمداهمة منزل المدون والإعلامي المصري عبد المنعم محمود الصحفي بموقع الإخوان بالإنجليزية ومراسل قناة الحوار البريطانية بمصر ولم يكن وقتها موجوداً بمنزله . "
ولمن لا يعرف مين هو "منعم" مثلما كنا نناديه ...
"عرف بين الصحافيين والناشطين السياسيين بلقب " رويتر الإخوان " أحد أبرز شباب الإخوان المعنيين بالشأن الإعلامي وأحد الأوائل الذين بدأوا نشاط التدوين الإخواني ويعود إليه الفضل في لفت أنظار الكثير من مدوني الإخوان الحاليين إلي هذا المجال وتعد مدونته " أنا إخوان " أحد أبرز المدونات العربية في الوقت الراهن ."
وكان ردهم اعتقاله .... وبالتالي نتقدم إليهم بردنا ....
مدونو الإخوان المسلمين .... واعترافا منهم بفضل "منعم" عليهم ... واعترافا منهم بجهد كل مدون قال كلمة الحق في وجه الظلمة ... وتواصلا مع مسيرتهم .... يقررون ما هو آت ...
باسم العشرات بل المئات من مدوني الإخوان المسلمين ....
منهم الشباب والشابات.... منهم الرجال والسيدات والأطفال ...
منهم الأسر اللي اعتقل عائلها .. ومنهم الكثير اللي غيب أحبابهم وراء القضبان ...
الكلمة اللي أقسمنا نحميها ونقولها ونعلنها ...لن يوقفها سجن ولا معتقل ولا محكمة ...
الصوت اللي خرج من وسطنا ... لن نسمح له إنه يسكت أو يضعف أو يتردد أو يرتعش ...
المدونات اللي كتبت حكايتنا وأيامنا ...خواطرنا وأفكارنا ... يوم بعد يوم حتزيد وتكبر...وتوصل لكل الناس ...
إحنا اخترنا خطابنا يكون بلهجتنا ... وبلغتنا ... عشان يوصل باسمنا ويعبر عننا ...
واخترنا نوصل رسالتنا لكل الجهات ... للفضائيات والجرائد والمجلات ولكل الكتاب والصحفيين ... وقررنا ننشرها في كل المنتديات ... والمدونات ... والمواقع ...
حملة من أجل البلد دي ... حملة ضد السكوت والخضوع والخرس, ضد الاستسلام والسلام والهوان, حملة نرفض بيها القضايا المتلفقة وشهداء الزور وأدعياء الثقافة والكتبة اللي كتابتهم كلها تحت أمرالنظام وأسياد النظام .
وفي إعلانا هذا لا نفصل أنفسنا عن باقي المدونين أو تجمعا خاصا مقتصرا علينا ... بل علي العكس نتقدم فيه بالشكر كل الشكر لكل من ساعدنا في دنيا التدوين, ونعترف له بالسبق والفضل, وكم أسعدتنا صورة "عبد المنعم محمود" وهي تملأ عشرات المدونات متضامنة متكاتفة مساندة ...
- كلنا إخوان ...رغم السجون والمعتقلات والقضايا والمحاكمات ...
- كلنا إخوان ... فكرة آمنا بيها وضحينا عشاناها ومستعدين نبذل لأجلها كل غالي وثمين ...
- كلنا إخوان ... طريق اخترناه ورسمناه ... وكنا عارفين إنه صعب وشائك ومليان بالصعاب ...
- كلنا إخوان ... وتراب البلد ده بنحبه وبنموت فيه ... وأحلي أيامنا يوم ما نشوفه حر وعزيز ...
- كلنا إخوان ... وبنحب أهلنا وجيرانا وإخوانا ... وعشانهم نعمل أي شيء ونضحي بكل حاجة ...
- كلنا إخوان ... برغم كل اللي ظلمنا وحبسنا ...وبرغم كل اللي سكت علي اللي بيجري لنا ... وبرغم كل اللي حرض وتآمر علينا ...
نقدر نقولكم مش حنسكت و مش هنبطل ... لسانا هو أساسنا ... غرباء؟ ممكن ... لكن حنفضل من الناس ...
بنحب النور وبنحب البلد دي ...لأنها بلدنا ... وبنحلم لها بالحرية ... ألم الوطن ألمنا كلنا ... وشايفين فيه أحلي ما في الدنيا ...
وفي الختام :
1- نطالب بالإفراج الفوري عن عبد المنعم محمود وكافة معتقلي الرأي في مصر.
2- نطالب المنظمات الدولية لحقوق الإنسان ومنظمات المجتمع المدني بإدانة الإنتهاكات الصارخة لحرية التعبير في مصر
3- نرفض التعامل الأمني مع قضايا الرأي والنشر الصحفي والإلكتروني
4- نؤكد على تضامننا الكامل مع مجتمع المدونين على مستوى العالم في حرية التعبير عن الرأي بكافة وسائل النشر المتاحة.
وفي النهاية ... كلنا إيمان عميق... بأن الحق منتصر وأن الصواب هو الحقيقة الوحيدة ... وأن لكل فجر ظلمة تسبقه ولكل نصر تضحيات ترسم خطاه .

مدونو الإخوان المسلمين

حضرتك لو موافق علي البيان ده ممكن تبعث بموافقتك علي الإيميل ana_ikhwan2007@yahoo.com بس ياريت بسرعة عشان يتنشر في مكان .

مشروع انسان يقول...

وما بكم من نعمة فمن الله
المهم الواحد يكون على قدرها بس

مشروع انسان يقول...

(لقد تم رفع الحظر على البروفايل بتاعى يمكنكم تشريفى بالزيارة)

سناالإسلام يقول...

جزاكم الله خيرا أخوان القليوبية

سناالإسلام يقول...

جزاكم الله خيرا أحلم معايا و سنظل نرددها بإذن الله
الاسلام هو الحل شرع المولى عزوجل

سناالإسلام يقول...

أختى الغالية همسة قلم
أسعد كثيرا عندما أجدك منورة المدونة
طبعا هناك بعض التحفظات على بعض الكلمات ولكن بشكل عام أستشعر فيه حماس الدعوة...جزاكم الله خيرا وأنتظرك دائما

سناالإسلام يقول...

أخيتى أمل
أصبحت لا أتخيل أى موضوع بدون تعليقك جزاك الله كل خيرا ويارب أسمع البشارة اللى بأتمنها قريب جدا...وحفظك الله لدعوته

سناالإسلام يقول...

جزاكم الله خيرا وطبعا موافقون ومستعدون لعمل أى شئ وربنا يفك أسر ا.عبدالمنعم محمود ويشفى والده
وتفبل الله منا جميعا وجزاكم الله خيرا كثيرا

سناالإسلام يقول...

جزاكم الله خيرا وربنا يعيننا على تبعيات الأمر ويرزقنا الاخلاص

عبدالرحمن رشوان يقول...

سناء
أتمنى من الله أن يحفظ لنا هذه الجماعة
وأن يبارك لنا فيها
وأن يجعلها وسيلتنا للجنة
عبدالرحمن

غير معرف يقول...

هحكيلك حاجة يا سناء بخصوص النشيد بتخلينى كل مبسمعه بفتكرك وبفتكر حاجات كتيييير

ليييه؟؟

لانك انت_يا حبيبتى_من أحضرتى لى الشريط هدية
البنا امام الجيل

لذلك بمجرد ان أسمع تلك الاغنية بفتكرك وبفتكر أيام زمان وبفتكر الدعوة اللى جمعتنا منذ طفولتنا حتى ولم نكن وقتها فاهمين او مقتنعين بالفكرة

وليها ذكرة تانية جميلة اننا كنا مشغلنها فى البيت يوم خروج أبى فى 2005 واحنا بننظف ونزين البيت..

عشان كده النشيد وصاحبة النشيد لهما مكانة كبيرة فى قلبى
متنسينيش فى دعائك

سناالإسلام يقول...

الأخ عبد الرحمن
جزاكم الله خيرا وربنا يتقبل الدعاء

سناالإسلام يقول...

أختى الحبيبة أسماء
أفرح كثيرا عندما أجدك منورة المدونة
فكرتينى يا أسماء بفترة من أجمل فترات حياتى ...كنامعادائمافى الزهرات...أيام كانت جميلة جداخاصة أنناكنامعابدون أن نفهم اننا فى الأخوان
لاأنساك من دعائى أبدا فلا تنسينى من دعائك...أختك

AbdElrahman Nassar يقول...

الله أكبر ولله الحمد
مع تحيات إخوان الدقهليه

AbdElRaHmaN Ayyash يقول...

وقع بيان المدونين للتضامن مع عبدالمنعم محمود
شارك بتوقيعك
أنشر البيان في كل مدونة تعرفها
ساهم في حرية المدونين .. وحرية منعم
http://free4monem.blogspot.com/

سناالإسلام يقول...

جزاكم الله خيرا أخوان الدقهلية

سناالإسلام يقول...

جزاكم الله خيرا والحرية للأستاذ عبد المنعم محمود ولكل المدونين ولكل المعتقلين

Rehab Saber يقول...

جزاك الله خيرا

سناالإسلام يقول...

وجزاك الله كل خير أختى الغالية بنت عربية وأسعد كثيرا عندما أجدك...أختك سناء